Introduction

ပထမဆုံး ပြော ချင်တာက ရေကြောင်းလျှပ်စစ် ပညာကို ချစ်ခင်လာအောင်၊ ပညာမျှဝေချင်အောင် သင်ကြားပေးခဲ့တဲ့ ဆရာတွေ အကုန်လုံးကို ကျေးဇူးတင် ကန်တော့ကြောင်းပါ။ ဒီလိုမျိုးစာတွေ ရေးချင်အောင် ဝါသနာပျိုးထောင်ပေးတဲ့ ဆရာ ဦးကျော်မြင့်နိုင်ကိုလည်း အထူး ကျေးဇူးတင် ပါတယ်။  ဒီစာကို တပိုင်းချင်းစီ  Facebook ပေါ်တင် နေစဥ်အတွင်း ဖုန်းဆက်၊ စာပို့ပြီး အကြံပေးလမ်းညွှန်၊ အတွေ့အကြုံတွေ ဝေမျှပေးကြတဲ့ ရေကြောင်းလောက ညီအကို တွေကိုလည်း ကျေးဇူးတင်ပါတယ်။

ဒီ  System overview က ကျွန်တော် ရေးတယ် ဆိုတာထက် ဆရာတွေ၊ လုပ်ဖော်ကိုင်ဖက်တွေက တဆင့် သိလာတာ၊ ကျွန်တော် ကြုံဖူးတာတွေနဲ့ Man B&W ရဲ့ Manual Book ကို မှီငြမ်းပြီး အချက်အလက်တွေ စုထားကြောင်းပါ။ ME Engine ရဲ့ Control System အကြောင်းတွေမို့လို့ Engine တည်ဆောက်ပုံ၊ MC engine တွေနဲ့ ကွဲပြားပုံတွေကို အရင်သိထားဖို့ လိုပါမယ်။ ME Engine Control System မိတ်ဆက် ဆိုတဲ့အတိုင်း အပေါ်ယံ Overview တွေမို့ တချို့နေရာမှာ လိုနေတာ တွေ ရှိနိုင်ပါတယ်။

             ME engine နဲ့ စထိတွေ့မယ့်သူတွေအတွက်  ME  Engine Control System ကို မိတ်ဆက်သဘော ရေးထားတာ ဖြစ်ပါတယ်။   ကျွန်တော့် အတွေ့အကြုံနဲ့ ဗဟုသုတ က အကန့်အသတ် ရှိတာ ရယ်၊  နည်းပညာတွေက နေ့စဥ်အမျှ ပြောင်းလဲ နေတာ ရယ်ကြောင့် ME control system ကို ထိတွေ့ကိုင်တွယ်ရမယ်ဆိုရင် Maker’s instruction စာအုပ်ကိုပဲ အတည်ယူ လေ့လာဖို့ တိုက်တွန်းလိုပါတယ်။